LISTADOS DEFINITIVOS ADMITID@S NOS CURSOS FORMACLOWN 2009 - ÚLTIMA ACTUALIZACIÓN 22.07.2009

A. CURSO DE CLOWN con Philippe Gaulier [Conservatorio Superior de Música de Vigo, rúa Manuel Olivie, nº 23 (36203) Vigo] B. NA PROCURA DA NOSA IDENTIDADE CÓMICA con Leo Bassi [Conservatorio Superior de Música de Vigo, rúa Manuel Olivie, nº 23 (36203) Vigo] C. ANTROPOLOXÍA DO MOVEMENTO CÓMICO con Claudia Contín & Ferruccio Merisi [Conservatorio Superior de Música de Vigo, rúa Manuel Olivie, nº 23 (36203) Vigo] D. COMIC FORMULAS con Jango Edwards [Centro Cultural Caixanova, rúa Policarpo Sanz nº 13 (Vigo)] E. O CAMIÑO DO CLOWN con Alain Vigneau [Conservatorio Superior de Música de Vigo, rúa Manuel Olivie, nº 23 (36203) Vigo] *Os alumnos asistentes a este curso deberán acudir provistos dun coxín e unha colchoneta/esterilla, roupa ridícula e obxectos comúns (non fráxiles). F. INICIACIÓN AO CLOWN con Antón Valén [Conservatorio Superior de Música de Vigo, rúa Manuel Olivie, nº 23 (36203) Vigo] G. CLOWN PARA MULLERES con Lluna Albert [Centro Cultural Caixanova, rúa Policarpo Sanz, nº 13 (Vigo)] H. MAXIA CÓMICA E CLOWN con Pablo Muñoz [Conservatorio Superior de Música de Vigo, rúa Manuel Olivie, nº 23 (36203) Vigo]

Cursos FORMACLOWN 2009

Se queres participar nalgún curso pincha aquí e cumplimenta o formulario A. CURSO DE CLOWN, impartido por Philippe Gaulier (Francia) Datas: 27 ao 29 de xullo Duración: 16 horas Horario: 27 de xullo de 10.00 a 14.00 h. e de 17.00 a 19.00 h. / 28 e 29 de xullo de 15.30 a 20.30 h. Idioma: inglés Nº alumnos/as: máximo 30 Oíntes: máximo 20 Prezo: 150 € Philippe Gaulier é para todos e todas no mundo do clown unha persoa de referencia na súa carreira como formador. Boa parte dos e das artistas que na actualidade brillan con luz propia perfeccionaron os seus estudos na escola que Philippe ten en Francia. Director da súa propia escola de clown dende fai 28 anos, foi mestre de clown en máis de 20 países e afirma que “o teatro é tan serio como un xogo de nenos” Para o mestre Gaulier, o clown ten un carácter idiota único. A forma na que xoga o clown é moi especial, xa que emprega non súa virtuosidade senón tamén aspectos como o fracaso, que na súa escola chaman Sr. Flop. O clown é como un pracer infantil que expulsa fora todo o que leva dentro polo enorme desexo de ser, e se o desexo é grande, o público aceptará o clown. B. NA PROCURA DA NOSA IDENTIDADE CÓMICA, impartido por Leo Bassi (EEUU-Italia) Datas: 28 ao 30 de xullo Duración: 12 horas Horario: de 10.00 a 14.00 h. Idioma: español Nº alumnos/as: máximo 20 Oíntes: máximo 10 Prezo: 130 euros Leo Bassi desenvolve neste curso un sistema que mestura a teoría con orixinais xogos psicolóxicos, que animan os participantes a descubrir máis deles mesmos. Un dos aspectos máis importantes destas sesións é que todos os participantes son continuamente estimulados a tomar alternativamente un papel activo e, á vez, observador e crítico. Isto alenta discusións francas en cada paso que se vai dando, obrigándoos a darse conta de como as súas accións son percibidas por outros e do que significan para eles mesmos. Segundo vai progresando o curso, a énfase cambia de ser unha ampla exploración da mente a ser un estudo máis centrado na comedia e nos problemas puramente teatrais de como ser efectivo diante dun público. As persoas participantes neste curso poderán agardar, despois da conclusión deste, resultados tanxíbeis, que variarán desde unha inspirada mirada ás raíces psicolóxicas do humor e do seu funcionamento ata a construción precisa de diversos aspectos cómicos, preparados para usar en teatro ou en televisión. C. ANTROPOLOXÍA DO MOVEMENTO CÓMICO, impartido por Claudia Contin e Ferruccio Merisi (Italia) Datas: 27 ao 31 de xullo Duración: 30 horas Horario: 27 de xullo de 16.00 a 20.00h. / 28, 29 e 30 de xullo de 10.00 a 14.00 e de 16.00 a 19.00h. / 31 de xullo de 09.00 a 14.00h Idioma: español e italiano Nº alumnos/as: máximo 22 Oíntes: non admite Prezo: 160 € Claudia Contin é experta en mimo e dialéctica corpórea. Coñecida no mundo como a única “Arlecchino” muller, publicou varios libros sobre técnica teatral, entre os que destacan Viaggio dei un attore nella Commedia dell'Arte e Gli Abitanti dei Arlecchinia. É fundadora, con Ferruccio Merisi, da Scuola Sperimentale dell'Attore (Italia). Ferruccio Merisi é director teatral especialista en coreografía contemporánea. Dirixiu o Festival Internazionale dei Santarcangelo e dirixe o Festival Internazionale L'Arlecchino Errante. Este curso pretende ser unha especialización formativa ao movemento teatral seguindo as seguintes categorías: - Con Claudia ContIn: plástica corpórea, invención da personaxe, a condición creativa do corpo cómico, gags individuais e de grupo. - Con Ferruccio Merisi: o corpo que fala; os principios da linguaxe xestual; ritmo, relación, reactividade e improvisación; pequenas escenas. Nota: É máis que recomendable para participar neste curso unha aceptable preparación física, así como vestir roupa deportiva e moi cómoda. D. COMIC FORMULAS, impartido por Jango Edwards (EEUU) Datas: 28 ao 31 de xullo Duración: 16 horas. Horario: de 16.00 a 20.00 h. Idioma: inglés, con traductora a español Nº alumnos/as: máximo 25 Oíntes: non admite Prezo: 120 € Jango Edwards é recoñecido internacionalmente como un dos mellores clowns do mundo preséntanos o segundo nivel da súa particular visión do clown. Para el a arte do clown non é só unha profesión, senón un estilo de vida que require a comprensión da emoción, da sensibilidade, da paixón e do traballo desde o corazón. Así, xunto coa súa asistente Cristina García e a través de diversos xogos, actividades físicas, demostracións, improvisacións e performances, cadaquén deberá descubrir a súa particularidade cómica, con doses de inocencia e lóxica, ingredientes fundamentais da fórmula clown. Nun ambiente teatral, a confianza no grupo motiva as persoas participantes a lembrar a inocencia que xa esqueceran. E. O CAMIÑO DO CLOWN, impartido por Alain Vigneau (Francia) Datas: 31 xullo e 1 e 2 de agosto Duración: 20 horas Horario: 31 de xullo de 16.00 a 20.00 h / 1 e 2 de agosto de 10.00 a 14.00 h. e de 16.00 a 20.00 h. Idioma: español Nº alumnos/as: máximo 20 Oíntes: non admite Prezo: 130 € Alain Vigneau é actor e clown profesional desde 1989. Habitual colaborador de Tortell Poltrona na dirección dos espectáculos do Circ Cric, é profesor de clown en L´Escola d´Expressió de Barcelona, así como na formación en Arte Terapia de l´AEC. Formado en clown gestalt con Rosine Rochette (París) e en psicoterapia integrativa con Claudio Naranjo. Artista colaborador da ONG Pallasos sen Fronteiras e fundador e director da compañía A Stravagante. O camiño do clown pretende ofrecerlles ás persoas asistentes (con ou sen experiencia previa) unha oportunidade para entrar paseniñamente no “extraordinario” mundo dos pallasos, experimentando, nun clímax de confianza e liberdade, un desenvolvemento do seu clown persoal. O curso é un espazo formativo pensado para rirse e aprender conxuntamente dos éxitos e dos fracasos propios, para mirarse sen culpas nin prexuízos, protexidos por un pequeno nariz vermello, seguindo as leis básicas do xogo clown: presenza, mirada, contacto, escoita, entrega, encaixar, ritmo, sorpresa etc. A metodoloxía empregada nútrese de xogos de dinamización e contacto, comunicación e espontaneidade, que preparan o alumnado para numerosas improvisacións, nun percorrido cheo de gargalladas e de emocións, que constitúe un enfoque revelador sobre a realidade da persoa. F. CURSO DE INICIACIÓN AO CLOWN, impartido por Antón Valén (Murcia) Datas: 31 xullo e 1 e 2 de agosto Duración: 20 horas Horario: 31 de xullo de 16.00 a 20.00 h / 1 e 2 de agosto de 10.00 a 14.00 h. e de 16.00 a 20.00 h. Idioma: español Nº alumnos/as: máximo 20 Oíntes: non admite Prezo: 100 € Antón Valén licénciase pola Escuela Superior de Arte Dramático y Danza (ESAD) de Murcia no 1988. Posteriormente viaxa por Europa para especializarse en diferentes facetas teatrais con Jacques Lecoq, Antonio Fava, Philippe Gaulier, Colombaioni, Bataclown, Pierre Bylan, Norman Taylor... Ingresa en 1993 como profesor da ESAD de Murcia ata 2002. Foi director do Curso Internacional del Comediante durante sete anos. Durante ese tempo dirixe varias compañías teatrais en Comedia dell´Arte e Clown. No 2002 foi seleccionado por Slava Polunin para traballar como clown no espectáculo “Alegría” do Cirque du Soléil cos que realiza unha xira mundial ata 2007. Así mesmo, crea e dirixe os novos números clownescos de “Alegría”. Actualmente imparte cursos de técnica actoral, clown e bufón en diferentes cidades de España, México, Portugal e Marrocos. Traballa na creación dunha escola estable: Escuela del Comediante. Este curso de iniciación é para aquelas persoas que queiran coñecer e involucrarse no mundo do clown e atreverse a daren os seus primeiros pasos. Mais, antes, comezaremos a aprendizaxe desde a ruptura co ridículo, a torpeza... e aprenderemos a aceptalo. Cada ser humano ten unha faceta ridícula, case agochada pola fachenda e a presunción. Para vencermos esta barreira e convertela nun xogo, poñamos o nariz vermello que nos levará a un mundo moi particular e vexamos o difícil que é sermos sinxelos, inxenuos, vulnerables, desastrosos... E como o fracaso nos revela a nosa humanidade e o desexo de crear e recrear. O clown é un xogo teatral que nos leva a atoparmos a espontaneidade, a liberdade de xogar e de sermos nós mesmos. G. CURSO DE CLOWN PARA MULLERES, impartido por Lluna Albert (Valencia) Datas: 27 ao 31 de xullo Duración: 20 h. Horario: de 10.00 a 14.00 h. Idioma: español Nº alumnas: máximo 15. Oíntes: non admite Prezo: 110 euros Licenciada en Belas Artes pola Universidade Politécnica de Valencia na especialidade de Escultura. Formada en teatro cómico e pallasos con Lebataclown, Virginia Imaz, Jesús Jara, Pepe Viyuela, Eric de Bont, e Kozana Lucca, entre outros. Membro fundador da Compañía NAS TEATRE (1996-2005). Na actualidade é docente, dirixe e coordina a escola de pallasos Los Hijos de Augusto e pertence á compañía ELS FLAQUIBUTTI (2002-2008), da que é socia e directora artística xunto con Jesús Jara. No taller abordaremos o tema da muller desde o punto de vista das nosas pallasas. Revisando o noso interior, sempre a favor da nosa imaxe externa sexa cal for a súa forma. A tenrura da pallasa como plataforma de acción para calquera reivindicación. O presente e o seu fracaso. A fraxilidade e a fortaleza nunha mesma pallasa. Xoguemos a crecer coas nosas pallasas e fagámolo con pracer. Recoméndase vir provistas de roupa divertida, complementos e instrumentos musicais. H. CURSO DE MAXIA CÓMICA & CLOWN, impartido por Pablo Muñoz (Toledo) Datas: 28 ao 31 de xullo Duración: 16 h. Horario: de 16.00 a 20.00 h. Idioma: español. Nº alumnos/as: máximo 20 Oíntes: non admite Prezo: 100 euros Pablo Muñoz, cofundador da compañía de clown Good Idea Company, estudou na Escuela Superior de Arte Dramático de Madrid e foi bolseiro polo INAEM para especializarse en clown teatral e técnicas de humor en diversas escolas europeas, entre as que destaca a prestixiosa École International Philippe Gaulier. Igualmente realizou diversos cursos de Maxia en Madrid con Pablo Germany e en Londres, no Circus Space, con Rick Zoltowsky. No curso de Maxia Cómica & Clown abordará a aprendizaxe de xogos e rutinas máxicas: presentación e realización de xogos de maxia buscando a comicidade destes, procura do noso clown-meigo a través de xogos e gags máxicos con cordas, panos e outros elementos, xogos de complicidade cos compañeiros e co público... O obxectivo último do curso é poder utilizar a maxia como unha ferramenta máis nos espectáculos de humor. Se queres participar nalgún curso pincha aquí e cumplimenta o formulario

Procedemento de inscrición FORMACLOWN 2009

Se queres participar nalgún curso pincha aquí e cumplimenta el formulario INSCRICIÓN E PAGAMENTO Para facer a preinscrición e a inscrición definitiva nos cursos do Festiclown 2009, cómpre seguir con atención os pasos indicados nesta sección. PREINSCRICIÓN A preinscrición para os cursos do Festiclown 2009 realizarase exclusivamente a través da páxina web www.festiclown.org, nos formularios de inscrición correspondentes, ou no número de teléfono 981 582 836, logo ingreso bancario e tras enviar por fax ou correo electrónico o xustificante de ingreso. O prazo de preinscrición remata o 30 de xuño de 2009. As persoas que desexen facer unha preinscrición despois desta data deberán pórse en contacto coa organización do festival no número de teléfono 981 582 836 ou a través do enderezo electrónico info@festiclown.org As persoas participantes en dous ou máis cursos do Festiclown 2009 terán un desconto do 10% sobre o importe total, QUE SE APLICARÁ EN TODOS OS CASOS SOBRE O SEGUNDO INGRESO. Non lles será aplicable ás persoas que participen de oíntes nalgún dos cursos.. PROCEDEMENTO DE INSCRICIÓN 1. Unha vez seleccionados os cursos que se desexan facer, ingresarase como mínimo o 50% do importe total dos cursos solicitados no número de conta de La Caixa 2100/4333/11/0200025292 ata o 30 de xuño de 2009, indicando o/s nome/s do/s curso/s e o nome e apelidos da persoa solicitante destes. OBSERVACIÓN PARA TRANSFERENCIAS INTERNACIONAIS IBAN: ES78 2100 4333 1102 0002 5292 BIC/SWIFT: CAIXESBBXXX 2. Enviar o comprobante do ingreso por fax ao número 981 575 699 ou ben por mail info@festiclown.org, asegurarse de que figura/n o/s nome/s do/s curso/s e o nome e apelidos da persoa solicitante. 3. Unha vez realizado o ingreso e enviado o xustificante, cubrir e enviar o formulario de inscrición dispoñible na páxina web www.festiclown.org, completando todos os campos e especificando os cursos que se desexan realizar (máximo 3), ou ben no número de teléfono 981 582 836, ata o 30 de xuño de 2009. As persoas solicitantes faranse cargo da compatibilidade horaria dos cursos solicitados. 4. O 3 de xullo de 2009 publicaranse en www.festiclown.org as listas de persoas preinscritas en cada curso. No caso de que se exceda o número máximo de alumnos/as nalgún dos cursos, o alumnado sen praza entrará directamente en lista de espera. Se finalmente non puidese entrar no curso solicitado, a organización do festival porase en contacto coa/s persoa/s sen praza para a devolución do importe ingresado. 5. As persoas preinscritas en cada curso deberán ingresar o importe restante do/s curso/s no/s que está preseleccionado/a no número de conta de la Caixa 2100/4333/11/0200025292 ata o 21 de xullo de 2009, e igualmente deberán enviar por fax (981 575 699) ou correo electrónico (info@festiclown.org) o comprobante do ingreso e asegurarse de novo de que figura/n o/s nome/s do/s curso/s e o nome e apelidos da persoa solicitante. As persoas preinscritas en dous ou máis cursos do Festiclown 2009 (excluídas as oíntes) deberán ter en conta o desconto do 10% sobre o importe total dos cursos solicitados á hora de realizar este segundo ingreso. OBSERVACIÓN PARA TRANSFERENCIAS INTERNACIONAIS IBAN: ES78 2100 4333 1102 0002 5292 BIC/SWIFT: CAIXESBBXXX As persoas preinscritas en cada curso, unha vez realizado o segundo in¬greso, terán a súa praza asegurada automaticamente, polo que se confirmará definitivamente a súa inscrición. 6. O 22 de xullo faranse públicas, a través de www.festiclown.org as listas definitivas de persoas admitidas en cada curso, así como, de habelas, as persoas en lista de espera. A organización do Festiclown 2009 poderá aprazar ou suspender aqueles cursos nos que non se cubran as prazas mínimas necesarias. DEVOLUCIÓN DO DIÑEIRO INGRESADO Aquelas persoas que, unha vez feito o primeiro ingreso, queiran darse de baixa, deberán comunicarllo á organización no número de teléfono 981 582 836, antes do 7 de xullo de 2009, para que se lles devolva integramente o importe ingresado. No caso de non poder asistir ao/s curso/s despois de teren realizado o segundo ingreso, só se devolverá o importe no caso de que a praza sexa cuberta por outra persoa ou se acrediten causas de forza maior. OÍNTES Para participar como oínte nos cursos que o admiten, seguir o mesmo procedemento de preinscrición e indicar no ingreso a opción de oínte. Os/As oíntes terán que aboar o 50% do custo total do curso e non poderán participar activamente neste, nin interromper ou molestar as persoas participantes. En todo caso, as prazas de oínte só se farán efectivas cando se cubran todas as prazas activas do/s curso/s correspondente/s. O desconto do 10% por participar en dous ou máis cursos non se fará efectivo no caso de participar como oínte nalgún deles. ALOXAMENTO DE BALDE Documento de solicitude de aloxamento FESTICLOWN 2009 A organización do Festiclown 2009 pon á disposición dos/as participantes nalgún destes cursos un pavillón polideportivo, con servizos de ducha e WC, para durmir durante as xornadas do/s curso/s solicitados. As persoas que desexen solicitar unha praza deben seguir o seguinte procedemento: - Cubrir os datos persoais que se solicitan no documento adxunto ao link situado debaixo destas liñas, unha vez este feita a inscrición no/s curso/s desexados. - Enviar a solicitude cuberta por fax ao número 981 575 699 ou ben escaneada á seguinte dirección de correo electrónico: info@festiclown.org Documento de solicitude de aloxamento FESTICLOWN 2009 INFORMACIÓN DE INTERÉS * Recoméndaselles a todas as persoas participantes nestes cursos vestir roupa e calzado cómodo. * Por respecto a/o mestre/a e ao resto do alumnado, é imprescindible a puntualidade en todas e cada unha das sesións dos cursos. Neste sentido, a organización reserva para si o dereito de non permitir o acceso do alumnado ao curso unha vez iniciado este, sempre e cando así o indique o/a mestre/a deste. * Os medios de comunicación poderán ter acceso controlado aos cursos. * Recoméndaselles aos alumnos e alumnas levar os correspondentes xustificantes de ingreso na primeira sesión de cada curso. * Informarase a través da páxina web do festival www.festiclown.org dos espazos onde se realizarán os cursos. * Non está permitido gravar os cursos en audio nin en vídeo, exceptuando os medios de comunicación e os membros da organización. CRITERIOS DE SELECCIÓN A inscrición realizarase por estrita orde de ingreso bancario. No caso de xurdir conflitos entre varias inscricións, terán prioridade: • Aquelas inscricións que soliciten ese curso como primeira opción. • As persoas de Vigo. • Nos cursos que o soliciten, o/a mestre/a valorará a información curricular recibida. Se queres participar nalgún curso pincha aquí e cumplimenta el formulario