Formulario de busca

Dous son compañía


Pedro Brandariz e Fran Rei levan xuntos profesionalmente desde o ano 2001. As súas carreiras conxuntas xorden a partir dunha serie de cursos de iniciación e perfeccionamento de clown impartidos pola compañía Good Idea Company e promovidos e organizados polo Festival Internacional de Clown de Galicia (Festiclown), dirixido por Iván Prado.

En todos estes anos, formáronse na arte do clown, o bufón e o teatro cómico, baixo a imprescindible tutela do Festiclown, en cursos e obradoiros con algúns dos mestres máis prestixiosos a nivel internacional, entre os que cabe destacar a Leo Bassi, Eric de Bont, Jango Edwards ou Carlo Colombaioni.

Actualmente, Brandariz e Rei son unha compañía estable dentro do panorama teatral galego, e nestes máis de quince anos de traxectoria levan posto en escena conxuntamente uns vinte espectáculos, ademais de diversos proxectos individuais e con outras compañías, mantendo sempre o humor e a comicidade como sinal de identidade.

Entre as súas producións teatrais, cabe destacar Cousas de Mulleres, O Gordo e o Calvo, Dous Pallasos en Máis Apuros ou Bivalvos como Galegos. Ademais, entre os anos 2013 e 2017, Pedro Brandariz e Fran Rei foron unha das parellas cómicas do programa Luar da TVG.



Máis artistas do catálogo

Bandullo Azul

+ INFO

DADO

+ INFO

Ebri Knight

+ INFO

Rudi Dudi

+ INFO