Formulario de busca

Leilía



Leilía nace no ano 89 cando seis mulleres se xuntan para recuperaren do esquecemento a tradición oral galega. Ao son de pandeiretas e voces, pronto van agromando os froitos. A mediados dos 90 chega o louvado Leilía (Dismedic) composto exclusivamente por pezas tradicionais. O seguinte reto será achegar a música do pasado ao presente, por medio da incorporación de instrumentos e polifonías non tradicionais. Así nace I é verdade i é mentira (Virgin Records) (1998) baixo a produción musical de Nando Casal e Antón Seoane, membros de Milladoiro. No ano 2003 chega Madama (Discmedi) incorporando letras de temática actual.

Xa no 2005, coincidindo co 15º aniversario, publican Son de Leilía (Leilear), un percorrido pola historia do grupo. Ás portas do 2012 sae á luz CONsentimento, un disco no que apenas tres instrumentos -guitarra, acordeón e contrabaixo- abeiran á perfección a beleza do canto tradicional e os versos de varias poetas galegas da actualidade: Ana Romaní, Yolanda Castaño, Eva Moreda, Mariña Pérez, Eva Veiga, Ana Amado e Marilar Aleixandre.

Máis de vinte anos despois do seu debut, Leilía volve sorprendernos cun espectáculo impecable, maduro e fiel ás súas raíces, con posta en escea do xenial Quico Cadaval.

Poderás cantar, rir, chorar e ata rematarás bailando (aínda que non sexa o teu) con CONsentimento.

 



Máis artistas do catálogo

Kanbahiota

+ INFO

Martelo

+ INFO

Circo Chosco

+ INFO

Acontrabutaca

+ INFO