Formulario de busca

Pulpiño Viascón e o Señor Lili



Marcos Aboal Vázquez, coñecido artisticamente como Pulpiño Viascón, é un polifacético artista que forma parte dos Diplomáticos de Monte Alto e ten formado parte de proxectos como Bonovo, o Jarbanzo Negro, Galegoz, Tecpilek, Escupe Escapa, Os Bolechiñas, Maraya Zydeco ou Pulpiño Viascón e os Instrumentos Máxicos. Ademais, colaborou tocando o serrucho e a trompeta con Manu Chao no seu álbum Sibérie m'était contéee e con Susana Seivane. Despois do seu éxito en grupos previos, trae agora unha animación de rúa itinerante para todos os públicos, A musicleta, na que se une ao Señor Lili, alias de Fernando Pujalte Vidal. No 2003 este fundou Lili Films, produtora galega que adica o seu tempo a procura, restauración, conservación e exhibición de arquivo cinematográfico domestico e amateur nos formatos 8mm e Super8. No ano 2016 presentou o proxecto da Lilicleta, unha bicicleta do ano 1966 que se empregaba para o reparto de leite, convertida agora en plataforma cultural ambulante sobre rodas, dividida en distintos apartados, coa que achegan a todos os públicos cinema e música, como no apartado da citada musicleta.



Máis artistas do catálogo

Forró Miór feat. Jabu Morales

+ INFO

Os Bregadiers

+ INFO

Dulce Pontes

+ INFO

Pedras de Cartón

+ INFO