Formulario de busca

Sumrrá



Sumrrá está considerado como un dos novos referentes do jazz contemporáneo, levando ao límite a exploración e composición do formato piano-trío de jazz.

Dende os seus inicios no 2000, Sumrrá ten participado en numerosos festivais nacionais e internacionais: Festival de Jazz de Madrid, Festival de Jazz de Oviedo, Festival de Jazz de Alcúdia, Ciclo 1906 de Jazz, Festival ImaxinaSons de Vigo, Festival Internacional de Jazz Tanjazz (Marrocos), Festival Internacional de Jazz de Santa Cruz (Bolivia), Festival de Jazz de Sofía (Bulgaria), Joy of Jazz (Sudáfrica), Jazz in Seoul (Corea)… As súas son composicións propias cun directo impresionante e novidoso, ao que avalan as mellores críticas.

No 2016 Sumrrá lanzou o seu quinto disco, Sumrrá V Journeys, editado pola discográfica neoiorquina Clermont Music. Un novo e esperado disco inspirado nalgunhas das cidades polas que Sumrrá ten pasado nas súas xiras internacionais (París, Braga, Johannesburgo, La Paz, Sofía…). Sen dúbida, Sumrrá é un dos grupos máis importantes do panorama jazzístico actual cunha das traxectorias máis sólidas da escena nacional. A súa referencia máis recente é 6 mulleres (2018), inspirado en seis figuras femininas que dunha ou otra forma mudaron a historia: Frida Kahlo e Rosa Parks de América, Rosalía de Castro de Galicia, Quin Jin de China, Malala Yousafsai de Pakistán e Nawal El-Saadawi de Exipto.

Son, segundo Santiago Tadeo, "unha das propostas máis interesantes da escena jazzística, un proxecto abraiante...". Emilio L. Castellanos describiunos como "unha das propostas máis estimulantes do jazz contemporáneo español", e Enrique Farello como "un trío de profundas conviccións, de son empastado pleno de forza e dramatismo ao que non lle faltan nin a dose xusta de técnica nin lirismo, nin swing". Por se fose pouco para amosar o prestixio que gardan entre a crítica, podemos resumilo nas palabras de Yahvé M. de la Cavada en Cuadernos de Jazz, “O power-trio galego, tras década e media de actividade, deixa claro que aínda ten moito que dicir e, de feito, cada vez dino mellor. O seu directo é un dos máis sólidos que se poden escoitar no noso país, ofrecendo música intensa co xusto equilibrio entre forma e contido, ademais da súa marcada personalidade europea e as súas fascinantes harmonías, aptas para enganchar por igual ao neófito e ao jazzista recalcitrante".
 



Máis artistas do catálogo

Leilía

+ INFO

Patty Diphusa

+ INFO

A Feroz

+ INFO

Sergio Pazos

+ INFO