Formulario de busca

Verbena Galega



A Verbena Galega de sempre coma nunca a viches. Ese é o espírito deste espectáculo que ofrece ao público máis de cinco horas de música e baile en galego. Unha explosión de música, humor e risa no campo da festa. Trátase, no fondo, dunha revisión do concepto actual de verbena para crear unha proposta única centrada, por un lado, na música de baile tradicional e, polo outro lado, na música de baile máis moderna e mestiza: ritmos latinos, pachanga, cumbia, reggae...

As actuacións musicais da Verbena Galega que Culturactiva propón divídense en dous pases (un de cada grupo) coa posibilidade da intervención dun grupo de animación antes da sesión musical e un picadiscos como peche das actuacións. Ademais, é posible contar con espectáculos que ofrezan unha alternativa lúdica para público familiar en torno ao circo, ao clown, ao humor, etcétera. No fondo é a verbena de sempre, revisada e feita a medida para calquera vila. Como exemplo, abonda con lembrar como arrincou o 2016 na Praza do Obradoiro compostelá, cunha excepcional Verbena Galega Fin de Ano na que Os d’Abaixo, O Sonoro Maxín e Bigote Mix, nunha gala presentada por Isabel Risco, fixeron que miles de persoas non parasen de bailar.

 



Máis artistas do catálogo

Vaamonde, Lamas e Romero

+ INFO

Rilo & Penadique

+ INFO

Oquestrada

+ INFO

Experimentadanza

+ INFO