Formulario de busca



Esta cantante de orixe francesa inicia a súa carreira en 1990 en Portugal, formando con Tó Viegas o grupo Entre Aspas, co que traballaron durante quince anos e publicaron varios discos. No 2005 inicia a súa carreira en solitario con Amores imperfeitos, e dous anos despois publica Viviane. No 2008 homenaxea ao poeta Ary dos Santos en Rua da Saudade, grupo que a une con tres grandes cantoras, Mafalda Arnauth, Susana Félix e Luanda Cozetti. Deste proxecto sae no 2009 un CD titulado As canções de Ary. O seu terceiro disco soa, no 2011, titulouse As pequenas gavetas do amor e definiu unha sonoridade única, confirmándoa como unha das voces máis carismáticas e singulares da música contemporánea portuguesa, a medio camiño entre o fado e a chanson francesa. O seu cuarto álbum, Dia Novo (2014), tivo excelentes críticas, e no 2015, para celebrar os seus dez anos de carreira en solitario, sacou un “Best of” titulado Confidências que reúne as mellores cancións da súa discografía, incluíndo un novo tema, "Fado do beijo", e unha versión do tema "Cantoras do rádio" interpretado por Carmen Miranda no 1936. O seu particular cantar, incorporando detalles francófonos á súa pronuncia do portugués, é a súa seña de identidade.



Máis artistas do catálogo

Experimentadanza

+ INFO

Os Fondaos do Pífaro

+ INFO

CAIR

+ INFO

Ana Bacalhau

+ INFO