Sala de prensa
O espectáculo Cantares de cego trata de recrear as actuacións que facían os tradicionais personaxes dos cegos polos pobos e aldeas galegas. Con Oli Xiráldez como Cego e Gustavo Couto como Lazarillo, interpretan romances, crimes, mitos e historias recollidas na nosa tradición pero van un pouco máis lonxe. Aportan un toque de humor ao que foi este duro oficio na antigüidade, e crean novas historias con temas actuais que por desgraza nunca pasan de moda (como a política ou a nova emigración), pero sempre dende o punto de vista irónico e sarcástico da vida. Pensado para animación de rúa, feiras, festas e todo tipo de torreiros, neste espectáculo, ademais de coñecer como se comunicaban as novas antes da radio, televisión e internet, tamén haberá momento para cantar, bailar e brincar.
Ler máis