Historias da fronteira é unha proposta sen fronteiras, cun pé no humor e outro na tradición oral, pero tamén na gargallada, na literatura e nas historias da Raia mollada (e da seca!). A fronteira é un lugar especialmente interesante para contar historias: a liña entre a vida e a morte, entre o humor e a traxedia, o fantástico e o real, a transgresión do legal, a vida propia e as vidas alleas... Nesta peza escoitamos todo iso da man do contador de historias Lois Pérez, e baixo o seu estilo e narración. Dicía o escritor portugués Miguel Torga que vivir consiste en non caber no berce en que naceu o corpo, e cruzar todas as fronteiras unha a unha ata morrer sen ningunha. E se de paso colocaches un par de paquetes de Café Sical, mellor!