º

Formulario de busca

PALLASOS EN REBELDIA

A Asociación Cultural e de Cooperación Internacional Pallasos en Rebeldía é un espazo artístico de solidariedade internacional, transformación política e fraternidade entre os pobos que se expresa a través do clown e as artes circenses, no que conflúen artistas de diferentes países, sobre a base de que a alegría e a risa poden e deben ser transformadoras. Pallasos en Rebeldía está constituída como unha rede internacional de grupos artísticos que promoven a solidariedade e a risa como motores de cambio social; combaten culturalmente á beira das colectividades que lle fan fronte a este sistema global de terror desde a maxia do Circo; e que apostan por unha Humanidade máis bela e máis xusta desde o universo do Clown.

O colectivo artístico-solidario internacional apoia a loita pola supervivencia dos pobos orixinarios nun mundo globalizado: acompaña ao pobo saharauí no seu retorno a un Sahara libre e independente; defende o fin da ocupación sionista en Palestina subscribindo os principios do BDS; e forma parte do movemento de solidariedade coa revolución zapatista en México e a Zezta Internazional. Fundouse no ano 2004 baixo o amparo do Festiclown (Festival Internacional de Clown de Galicia) e mantense activo grazas ao traballo de Culturactiva SCG, entidade profesional galega decana na xestión cultural socialmente comprometida.


POR UN MUNDO ONDE CAIBAN TODOS Os MUNDOS
POR UN MUNDO ONDE CAIBAN TODAS AS RISAS
POR UNHA VIDA CHEA DE ESPERANZA, RISA E HUMANIDADE!

 

 

Máis información acerca de PALLASOS EN REBELDIA.


MÁIS PROXECTOS EN CULTURACTIVA.ORG

Magiclown