Aberto o prazo de inscrición para os cursos de Firaclown

A parte máis pallasa da Firamágica, o Firaclown, abre o seu prazo de inscrición para a edición de 2008. Serán dous artistas de recoñecido prestixio, como Johnny Melville e Nanny Cogorno, os que se encarguen do apartado formativo deste festival a celebrar en Barcelona entre os días 21 e 25 de xuño

Novo especial coas crónicas da última caravana de pallasos en rebeldía

Xa podes acceder ao especial que xunta todas as crónicas que Lokonuk nos fixo chegar desde a V caravana solidaria a Chiapas posta en marcha por Pallasos en Rebeldía.

Ver especial Caravana a Chiapas 2008

ACTUARÁN TAMÉN DURANTE A GALA, EN RIBADUMIA

Os Sete Magníficos + 1 presentan a entrega de premios “Carballo, Folla de Ouro”

Os 7 magníficos + 1 presentarán o próximo venres a gala de entrega dos premios Certame de Teatro Xuvenil Provincia de Pontevedra Premios “Carballo, Folla de Ouro” que organiza a asociación cultural Eira Vella de Pontevedra. A representación da obra gañadora, outras actuacións e os mellores esqueches do “Gordo e o Calvo” son algúns dos pratos fortes da velada.

Miss Vero actúa dentro da programación cultural da Universidade de Vigo

Este mércores 7 de maio, o centro comercial da Cidade Universitaria de Vigo (Campus de Lagoas- Marcosende), será o escenario da actuación da artista de rúa Miss Vero, unha especialista da risa e do entretemento a través do clown e do teatro de rúa. O acto, programado para as 14.00 h é de acceso libre e de balde.

FERROL, TUI E VIVEIRO

Tres funcións de Robin Hood esta semana

Robin Hood percorre de novo a xeografía galega logo de regresar da súa xira en Madrid. O martes en Ferrol e o venres e o sábado en Tui e en Viveiro completan a axenda do musical polo país. Ás once horas a primeira das representacións, ás 20 no Auditorio Municipal de Tui e o próximo sábado no teatro Pastor Díaz de Viveiro ás seis da tarde.

CARAVANA 2008

Crónica X dos Pallasos en Rebeldía: Crónica anexa

Xavi ven doutra época da miña vida e tamén doutro momento cultural. Leva no sangue parte da nosa historia como pobo e, como bo lugués, segue crendo que a muralla é cuadrada, loita contra si e contra o mundo por un Xavi mellor nun mundo novo, pero sen o seu labor detras das táboas, telas ou o que empreguemos para escondernos antes de actuar, o noso traballo sería ben dificultoso.