Formulario de busca

NOVAS

Abre a inscrición para Muros Mira ao Mar, o mercado das XIII Xornadas de Cultura Mariñeira

Até o venres 26 de maio, todos os colectivos, artesá/ns e expositores interesados poden inscribirse no mercado das XIII Xornadas de Cultura Mariñeira, que terán lugar en Muros do 7 ao 9 de xullo.

O mercado desenvolverase en varias rúas e prazas do Concello de Muros, con horario de 11.00 h a 23.00 h (venres e sábado) e de 11.00 h a 21.00 h (domingo). Todas as persoas que desexen participar cos seus produtos poden facelo inscribíndose a través do FORMULARIO, despois de ler as BASES con detemento. Unha vez rematado o prazo de inscrición e unha vez feita a selección, a organización porase en contacto cos postos seleccionados.

Pódense expor e vender diferentes produtos artesanais, naturais, ecolóxicos, antigüidades, terapias alternativas, gastronómicos... Terán preferencia na participación aqueles postos inscritos que teñan relación directa co mar ou ca temática e/ou produtos mariñeiros, e que ofrezan como actividade complementaria unha mostra de traballos artesanais: cantería, zapatería, redeiras, talla de madeira, maquetismo, ferro, pan, etc. Só implicaría estar no posto traballando a determinadas horas e atendendo ás preguntas das persoas asistentes, ou ben que realicen co público asistente algún tipo de actividade, como degustacións, obradoiros, etc.

Cada participante poderá dispoñer dun espazo de 3 metros de lonxitude por 2 metros de profundidade. Excepcionalmente, serán tamén admitidos os postos de 3mx3m. O custe de participación pola totalidade dos 3 días será de 65 € (IVE incluído) para postos non gastronómicos e de 100 € (IVE incluído) para postos gastronómicos.
 
Tómase como referencia un mercado galego do século XIX, polo que a decoración e vestimenta deberán ser nesta liña, evitando cores e motivos ornamentais que non existisen nesa época. Para a decoración do posto podese empregar redes, apeiros de pesca, cunchas... E todo aquilo que vaia en consoancia co Mercado tendo en conta as cores predominantes (beixe, azul ou branco). En canto á vestimenta, pódese obter un chisco de inspiración no Facebook do Mercado.

PRÓXIMAS ACTUACIÓNS

O Valo chega á Coruña

A Coruña
13-12-2017
17:30

Concerto Magnifico en Frades

Frades
14-12-2017
12:00

Caxade nos Premios Garcia Barros

A Estrada
15-12-2017
20:00

Pum, pum! de Baobab Teatro en Betanzos

Betanzos
16-12-2017
18:00

Bivalvos como galegos en Cerdedo!

Cerdedo
16-12-2017
19:00



MÁIS NOVAS EN CULTURACTIVA.ORG