Formulario de busca

NOVAS

Culturactiva en Galicia Escena Pro con dous espectáculos!

Concerto singular (e plural) de Píscore e Pum, Pum!, o novo de Baobab Teatro, estarán no maior encontro profesional de artes escénicas de Galicia.

Culturactiva participa un ano máis en Galicia Escena Pro, o encontro para profesionais das artes escénicas que ten lugar outro xuño en Compostela. É o mercado galego das artes escénicas que cada ano organiza en Santiago de Compostela a Axencia Galega das Industrias Culturais (Agadic) da Consellería de Cultura, Educación e Ordenación Universitaria. "Xunto coa súa faceta de exhibición, Galicia Escena PRO articúlase como punto de encontro profesional que busca estimular a dinámica comercial do sector, así como a proxección social da creación escénica. Con estes mesmos obxectivos como meta, celebra a súa quinta edición do 12 ao 15 de xuño de 2017", indican na súa web.


Píscore en Concerto singular

Así, a primeira das nosas compañías en Galicia Escena Pro, Píscore, porá en escena o seu Concerto singular na Casa das Crechas o martes 13 ás doce da noite. Nesta comedia musical sen palabras, Félix Rodríguez, Pepe Cabanelas, Pepe Varela e Diego Rosal, dirixidos por Fran Rei, amósannos a catro virtuosos e prestixiosos músicos que se enfrontan a un gran reto: unha soa marimba para os seus catro pares de mans e as súas dezaseis baquetas! Ao final, conseguirán soar ben e todo...


Pum, Pum!, de Baobab Teatro

Pola súa banda, Pum, Pum!, o novo espectáculo de Baobab Teatro, estará o mércores 14 ás 12.15 horas na Sala Germán Coppini da SGAE. Marieta é coma calquera nena de 5 anos, rodeada de portas que se abren e contan historias. Historias que teñen música e cantan cando Marieta quere, pero Marieta ten unha porta que garda un segredo. Un segredo, que nunca contou e ninguén escoitou, por iso Marieta ás veces non fala e queda calada, por iso Marieta sempre se enfada, por iso dende hai tempo ten pesadelos e máis pesadelos.

PRÓXIMAS ACTUACIÓNS

O Valo no Salón Teatro de Compostela

Santiago de Compostela
19-10-2017
20:00

Falar sen cancelas en Santa Comba

Santa Comba
20-10-2017
22:00

Peter Punk nunha xornada de Down Galicia

Santiago de Compostela
21-10-2017
12:45

Dani García leva a súa maxia ao Encontro Down Galicia

Santiago de Compostela
21-10-2017
17:45

O lobo e a lúa en Serra de Outes

Serra de Outes
21-10-2017
19:00



MÁIS NOVAS EN CULTURACTIVA.ORG