Formulario de busca

NOVAS

Próxima parada de Guadi Galego: Centro Niemeyer de Asturias

Este foi un ano imparable, desde a saída do seu terceiro traballo en solitario, O mundo está parado, para Guadi Galego: esgotou a primeira tirada, 1.000 vinilos, en apenas un mes, xirou con máis de 50 concertos por toda a Península, incluíndo Portugal, Barcelona, Madrid, ou feiras con proxección europea como a TROVAM ou o Mercat de Música Viva de Vic. Agora, mentres prepara a xira de despedida para este traballo polos escenarios galegos, cunha nova formación que inclúe as cordas e ventos que lle dan esa sonoridade tan especial, fóra de Galicia segue xirando coa súa banda. O 2 de febreiro estará no Centro Niemeyer de Avilés. Será ás 21 horas na Sala Club, e as entradas pódense obter aquí.

 

Guadi Galego revélase como unha compositora orixinal e única. Premio Martín Códax 2016 na categoría de Canción de Autor, "O mundo está parado" (Fol Música 2016) é o seu terceiro disco en solitario. Esta cantante e compositora ten unha longa traxectoria no panorama musical galego con formacións como Berrogüetto ou colaborando con artistas como Xabier Díaz ou Guillerme Fernández .

O disco reúne 10 temas: seis escritos por Guadi, tres por Carlos Abal e un por Pachi García, novamente produtor musical despois do anterior "Lúas de outubro e agosto". Cancións sobre a pluralidade, a diversidade, unha reflexión sobre a imposibilidade da coherencia nun mundo que, a pesar da aparente velocidade, está parado no máis humano.

 

PRÓXIMAS ACTUACIÓNS

O Valo en Pamplona

Pamplona
17-01-2019
19:00

O Valo en Lizarra

Pamplona
18-01-2019
19:30

Baobab Teatro no Grove

O Grove
19-01-2019
11:30

Bandullo Azul en Fornelos de Montes

Fornelos de Montes
19-01-2019
18:00

O Valo en Arizkun

Pamplona
19-01-2019
19:00

Isabel Risco en Fornelos de Montes

Fornelos de Montes
19-01-2019
23:00

Saaabor! en Cerdedo

Cerdedo
26-01-2019
Horario pendente de confirmación



MÁIS NOVAS EN CULTURACTIVA.ORG