Formulario de busca

NOVAS

Yllana volve a Ferrol coa diabólica 666

A compañía Yllana volve ao Teatro Jofre ferrolán cun novo espectáculo de teatro xestual e efectos visuais que xoga cun tema tan serio, e ao tempo tan absurdo e inconcibible, coma a pena de morte. Neste espectáculo onde non se salva ninguén, nin sequera o público, Yllana acada a dose máis elevada de humor negro, absurdo e mordaz, para amosar, coma sempre a través dun traballo cómico visual e sen palabras, o lado máis escuro e sinistro do ser humano. Poderemos vela o domingo 30 de abril ás 19.00 horas, con entradas desde 10 euros que se poden adquirir anticipadas en https://entradas.ataquilla.com.

Catro temibles convitos (interpretados por Fidel Fernández, Raúl Cano, Joe O’Curneen e Juan Ramos) chegan ao corredor da morte para seren executados. A súa (in)adaptación á situación, a irritante convivencia entre eles, as relacións cos carcereiros e as desastrosas execucións ás que son sometidos desencadean unha serie de escenas dantescas, imprevisibles e disparadas, que converten o corredor da morte nun inferno.

Yllana é creatividade. Creada en 1991 como compañía de teatro de humor xestual, na actualidade diversificou a súa actividade no mundo das artes escénicas e audiovisuais. A súa aposta céntrase, aínda que non exclusivamente, nun humor sen palabras, irónico e interactivo. Un humor universal que soubo chegar a multitude de escenarios por todo o mundo. Desde o seu xenial encontro coa escena, Yllana produciu 25 espectáculos, entre os que cabe destacar: Muu!, Glub Glub, Star Trip, Los Mejores Sketches de Monty Python, Pagagnini, Brokers e Zoo, que se representaron en 44 países e foron vistos por preto de dous millóns de espectadores. No 2016 celebraron as súas vodas de prata co público, co espectáculo Yllana 25, que recompila os seus mellores gags.

 

PRÓXIMAS ACTUACIÓNS

Pan con Chocolate na Pobra do Caramiñal

A Pobra do Caramiñal
24-05-2018
11:00

Nabiza Girl en Catoira

Catoira
25-05-2018
21:00

Arre Ru en Trazo

Trazo
26-05-2018
11:30

Don Gelati nas Pontes

As Pontes de García Rodríguez
26-05-2018
12:00

Pum Pum! en Santiago de Compostela

Santiago de Compostela
26-05-2018
18:30

Pan con chocolate no Incio

O Incio
26-05-2018
20:00

Falar sen cancelas en Betanzos

Betanzos
26-05-2018
Horario pendente de confirmación



MÁIS NOVAS EN CULTURACTIVA.ORG