O festival Brión Inclúe aposta por unha ampla programación cultural pensada e estudada para a inclusión transversal
As persoas con discapacidade serán as protagonistas desta oferta cultural como creadoras de cultura, ofrecendo á cidadanía unha programación cultural de calidade e variada.
É unha tarefa das administracións públicas e de toda a sociedade tratar de acadar a inclusión total e non podemos facelo de costas as persoas interesadas. De esta idea parte a semente para un festival que non produce contidos para as persoas con discapacidade, senón que normaliza as distintas capacidades de cada un para facer unha proposta cultural de calidade e inclusiva na que ofertar tres días de cultura para toda a cidadanía.
Cultura libre de barreiras como protagonista.
Do 14 ao 16 de decembro, datas próximas ao nadal, terá lugar BRIÓN Inclúe, cunha ampla programación pensada e estudada para a inclusicón transversal.
A normalización das diferentes capacidades.
Moitos colectivos, asociacións e profesionais de distintos ámbitos traballan cada día pola integración e a eliminación de barreiras que aínda hoxe non están superadas. Son as/os verdadeiras/os protagonistas deste festival no que todos e todas estamos incluíd@s.