NOVAS
Guadi Galego gaña o Premio Martín Códax da Música á Mellor Canción de Autora 16-05-2024
Guadi Galego fíxose onte co Premio Martín Códax da Música á Mellor Canción de Autora, nunha gala que se celebrou onte en Pontevedra. A artista recibe este recoñecemento tan só catro meses despois da estrea de Síntese Horizonte, un espectáculo concibido para ser presentado ao vivo, e que polo momento encheu os aforos de todos os concertos en teatros.
Carballo acolle a estrea de Vicki e a felicidade, a nova proposta de Bandullo Azul 22-04-2024
A Biblioteca Pública Municipal de Carballo será o escenario para a estrea de Vicki e a felicidade, o novo espectáculo da compañía Bandullo Azul. A estrea será mañá, 23 de abril, e haberá tres representacións da obra: dúas dirixidas a centros escolares, e unha terceira aberta ao público familiar, ás 18 horas. As persoas que desexen asistir, poderán reservar o seu convite no teléfono 981 758 580.
O espectáculo Molto Barroco de Píscore, seleccionado no prestixioso Festival de Teatro Clásico de Almagro 18-04-2024
O espectáculo Molto Barroco, da compañía Píscore, foi seleccionado no recoñecido Festival de Teatro Clásico de Almagro. O programa deuse a coñecer hoxe, e Píscore está entre catro as compañías que competirán no Certame Internacional Barroco Infantil, unha das seccións do festival.
A gala “Cultura contra a barbarie” en solidariedade con Palestina chega a Ourense o próximo 30 de abril 17-04-2024
Ourense acollerá o 30 de abril, a partir das 20.00 horas, unha gala solidaria en favor do pobo palestino no Teatro Principal. Esta é a décima gala que Pallasos en Rebeldía, xunto con Culturactiva, organizan en todo o Estado, para recadar fondos que irán directamente á Franxa de Gaza.
O documental arredor da figura de Suso de Toro, “Suso. Fóra de Lugar” preséntase o 17 de abril no Teatro Principal compostelá 12-04-2024
O Teatro Principal será o escenario da presentación do documental “Suso. Fóra de lugar”, un filme de Alberto Sacido no que o escritor Suso de Toro revisa o seu camiño nas marxes, nunha conversa constante que o leva a revisitar os seus inicios, os seus modelos e proxectos literarios, os obstáculos na súa carreira, a súa militancia política, e o abandono e posterior regreso á súa profesión de escritor.
Mediarea lanza o seu novo videoclip Sebo de Ghrilo: festa e tradición en estado puro 02-04-2024
Catro músicos, dous bailaríns e un serradoiro. Con estes elementos prende a festa do Sebo do Ghrilo, o videoclip que vén de lanzar o grupo folk Mediarea.
O Sonoro Maxín lanza un adianto do seu novo disco “A primavera ten que ser nosa” 22-03-2024
O Sonoro Maxín está a piques de sacar o seu terceiro disco, e para ir quentando motores, lanzou hoxe o videoclip do primeiro tema, que leva o mesmo nome que o EP: “A primavera ten que ser nosa”.
As mellores propostas escénicas estatais e internacionais chegan da man de Culturactiva 20-03-2024
Máis de trinta compañías e artistas forman parte do catálogo estatal e internacional de artes escénicas que ofrece Culturactiva este ano. Propostas de teatro, clown, circo, maxia e pasarrúas, para todo tipo de públicos. Chegadas desde diferentes puntos da Península e do globo estas propostas inclúen unha gran diversidade de xéneros das artes escénicas.
Sinfonía Máxica, o novo espectáculo do Mago Teto! 13-03-2024
O Mago Teto estrea un novo espectáculo en gran formato, xunto coa Banda de Música de Salcedo. Trátase de Sinfonía Máxica, un espectáculo dirixido a público familiar, que se presentará por primeira vez no Auditorio do Pazo da Cultura de Pontevedra, no marco do Salón do Libro Infantil e Xuvenil.
Remata con éxito o segundo obradoiro para intérpretes con discapacidade promovido por Culturactiva e o Centro Dramático Galego 07-03-2024
O segundo obradoiro para intérpretes con discapacidade deu remate a pasada fin de semana na Cidade da Cultura. Esta iniciativa de Culturactiva e o Centro Dramático Galego constitúe un proceso de formación escénica pioneiro e único na escena galega, ao propoñer un espazo de reflexión e traballo sobre como se inclúe e se trata a cuestión da diversidade funcional nas artes en xeral, e no teatro en particular. O obradoiro estivo dirixido a intérpretes con discapacidade.
A Orquestra Bravú Xangai estrea este sábado un novo disco que fará bailar ata ao sol 29-02-2024
O 2 de marzo a Orquestra Bravú Xangai presenta novo disco, ‘Os saxofóns de Occidente’. Dezaoito temas de puro sabor bravú mesturado coa tradición orquestral do metal galego e as formas da música popular. O concerto presentación terá lugar na Sala Garufa da Coruña este sábado ás 22 horas.
As alumnas represéntase en Pontevedra no marco do Salón do Libro Infantil e Xuvenil 26-02-2024
As alumnas chegan o 27 de febreiro, ás 21h, ao Teatro Principal de Pontevedra nunha representación que se enmarca na programación do Salón do Libro Infantil e Xuvenil. A obra, escrita por Paula Carballeira e dirixida por Fina Calleja, chegará tamén no mes de marzo a Carballo, o día 1, Valdoviño, o día 8, Santiago de Compostela, o día 22 e A Coruña, o 30 de marzo.
- 1 de 14
- seguinte ›
