Talabarte

CLASIFICACIÓN

Premio Martín Códax 2017 na categoría de Músicas do Mundo

Premio Opinión da Música de Raíz 2017 ao Mellor Álbum

Neste proxecto únense tres indispensables da escena musical galega: o violín de Quim Farinha, o acordeón diatónico de Pedro Pascual e o contrabaixo de Kin García. Os seus nomes están intimamente vencellados con grandes proxectos da música galega coma Berrogüetto ou Marful, e tamén con prestixiosos músicos de jazz coma Jorge Pardo, Walter White ou Steve Brown.

Tras publicar o seu primeiro traballo discográfico, recibiron grandes eloxios de crítica e público, levando a súa musica por teatros, auditorios e festivais da Península Ibérica, Bretaña, Serbia... A súa imaxinación lévaos a desenvolver proxectos orixinais, dende concertos singulares como Ao son da cociña, que une música, gastronomía e arquitectura, a ideas como a do libro-disco Fake. Este traballo saíu en 2016 con ilustracións de Pablo Xiráldez "O Pastor" e textos de Carlos Meixide acompañando músicas que, inspiradas por esas historias que non se sabe canto teñen de real e canto de mentira, beben da tradición europea de ritmos bailables. 

Os seus concertos teñen risco, improvisación e contundencia. Un grupo a non perder, que mantén en movemento a alma e os pés.