Coa túa banda de música

Vaamonde, Lamas & Romero sorpréndennos cunha proposta orixinal e divertida: un concerto con banda de música en clave de humor. O espectáculo inclúe arranxos sobre repertorio tradicional realizados polo saxofonista e compositor Roberto Somoza que, de xeito maxistral, combinan o sabor popular con elementos de modernidade. O trío ofrece este espectáculo "coa túa propia banda", abertos a colaborar con calquera das fantásticas bandas municipais que temos preto. Música popular e teatralidade aderezados con grandes doses de humor e retranca. Un bálsamo terapéutico e liberador para estes tempos de crise.