En ETXEA / CASA / HOME o protagonista é un estraño personaxe que se enfronta ás súas pantasmas nunha viaxe de crecemento persoal para construír un niño propio. Todos os seres humanos necesitamos un espazo que sentir e facer propio, un fogar. Un só de Diego Aimar, no que se mesturan as técnicas de clown, mastro, acrobacia e equilibrios tecendo unha sutil rede de emocións. Unha historia sinxela sobre unha viaxe fantástica, unha homenaxe ao fogar de acollida. Empezar de cero, botar novas raíces, atopar novas realidades, afacerse a unha nova contorna. Sentimentos de nostalxia, euforia, calidez… Os conceptos de fogar e identidade da man a partir das técnicas do clown e o mastro chinés. ETXEA / CASA / HOME é unha proposta sinxela, case artesanal. Sobre a base dunha escenografía coa madeira como protagonista, deseñouse un espazo acolledor, un auténtico niño. Un mastro chinés, creado como estrutura 100% autónoma, é o eixo principal ao redor do cal se desenvolverá a acción.