La Rueda

Tan só hai que atreverse a dar un salto mortal. Un espectáculo de acrobacias imposibles. Un canto a berros á liberdade, unha chamada para derrotar a apatía, unha necesidade de espertar. Ninguén mellor que as artistas de circo de Kanbahiota para iso. Deixámonos arrastrar nesta roda sen protestar, sen arriscar, sen desviarnos do previamente establecido, da cordura, do moralmente ben visto... Cada vez máis deprisa, cada vez máis presas. E non o cuestionamos. Non nos dá tempo. Adquirimos unha aterradora conciencia de ver pasar a vida ante os nosos ollos a unha velocidade vertixinosa e, a gran maioría da xente, case sempre ao final, mira cara atrás e descobre que non fixo prácticamente nada. Pero nesta roda hai uns cantos humanos que fan cousas. Uns poucos individuos que se atreven, que loitan, que aportan, que propoñen. Xente que invirte o seu tempo en facer do mundo un lugar mellor.