Senta que hai baile!, un espectáculo no que a banda vai interpretar unha selección dos seus mellores temas e as dúas mestras aprenderannos dunha maneira moi sinxela como se bailan.No repertorio botaremos man de bailes do mundo, centrándonos nos galegos. Para poder adaptarnos a calquera das posibles situacións ofrecemos tres formatos: 1 As persoas asistentes bailarán sentadas na súa cadeira sen erguerse, demostraremos así que é posible bailar e gozar da música sentados. 2 Se hai un espazo que así o permita, o baile farémolo colocados diante da cadeira. 3 En lugares moi espaciosos nos que as cadeiras se poidan mover, cada grupo familiar ocupará unha zona do espazo coa separación establecida en cada momento para cumprir as distancias de seguridade co resto de grupos familiares que se acheguen a bailar con nós.