Formulario de busca

Guadi Galego



Guadi Galego comeza a súa andaina musical moi nova. No 97 entra en Berrogüetto, co que gravou tres discos: Viaxe por Urticaria (1999), Hepta (2001), ámbolos dous calorosamente recibidos pola crítica e obxecto de varios premios e recoñecementos (entre eles o de Mellor Grupo Folk Europeo de 2000 e unha candidatura aos Grammy Latinos na súa edición de 2002) e 10.0 (2006), que acada o segundo Premio Opinión de mellor disco galego do ano e candidatura aos Premios da Música co seu tema “Xente”. No ano 2005  grava Espido, con Guillerme Fernández, o seu proxecto máis íntimo e persoal, co que acada o segundo Premio Opinión ao mellor disco galego do ano 2005. No 2006 edita Nordestin@s xunto con Abe Rábade e Ugia Pedreira, co que acada tamén o Premio ao mellor disco galego.

Finalmente no 2009 sae á luz Benzón, o seu primeiro proxecto en solitario, aclamado pola crítica galega e española, que acada tamén premio ao mellor disco do ano e candidatura aos premios da Música. No ano 2012 sae aCadaCanto, proxecto intimista onde traballa unha vez máis con Guillerme Fernández, acompañada tamén por Xabier Díaz na voz e Xosé Lois Romero no acordeón. No 2014 ve a luz o seu segundo traballo en solitario, Lúas de outubro e agosto, e no 2016, ano en que acada o Premio Martín Códax da Música á mellor artista na categoría de canción de autor, sae o terceiro, O mundo está parado (FOL Música, 2016), conformado por 10 temas, que viaxan do persoal á reflexión colectiva sobre cuestións como a identidade e a coherencia: seis da súa autoría, tres de Carlos Abal  e un de Pachi García, que exerce de novo como produtor musical. Os seus concertos teñen esa sonoridade envolvente con arrecendo pop que traballou nos últimos discos, e que acada a madurez con este O mundo está parado.



Máis artistas do catálogo

Talabarte

+ INFO

Orquestra Os Modernos

+ INFO

Caxoto Contacontos

+ INFO

Dani García

+ INFO