Formulario de busca

Pablo Muñoz


Pablo Muñoz é un clown e mago coñecido polo seu personaxe "Pablo Superstar Cool" e cunha traxectoria de prestixio detrás. Formouse na Escola Superior de Arte Dramática de Madrid e na Escola de Interpretación de Cristina Rota, aprendizaxe que ampliou cunha bolsa do lNAEM que lle permitiu estudar clown e técnicas de humor na Ecóle Philippe Gaulier en Londres e con Jos Houben en Bruxelas. A súa carreira orientouse cara a maxia cómica, un ámbito no que goza de recoñecemento: pertence á Sociedade Española e Internacional de Ilusionismo e foi premiado co Nariz de Ouro do XIV Festival Internacional de Clowns de Madrid, co Premio de Maxia Cómica no Festival Internacional de Maxia de Santa Susanna (Barcelona) ou co Premio do Público do Festiclown Vilagarcía 2016. Ademais, é co-fundador de Good Idea Company, coa que traballa profesionalmente en teatro e ocasionalmente en televisión.

O seu Pablo Superstar foi incluído por Jango Edwards no seu espectáculo en xira no Festival de Clowns de Madrid, Barcelona e Sevilla, e paseou o seu humor por escenarios e festivais de teatro, clown e maxia de todo o mundo: Festival Internacional de Edimburgo (Escocia), Incheon International Clown Mime Festival (Corea do Sur), Magiclown de Ibiza, Festival T+T, Umore Azoka de Leioa, Feira de Artes Escénicas e Musicais de Castela-A Mancha, Mercurdo de Castelvetro e Operaestate de Bassano del Grappa (Italia), Mosbach Fest, Heilbronn Fest, Paderborn International Fair, Tuttlingen Fest (Alemaña), Thunfest (Suíza), Sint-Niklaas Festival (Bélxica), Zd’ar nad Sazavou (República Checa), Chiapas (México)...



Máis artistas do catálogo

Fado Violado

+ INFO

Rudi Dudi

+ INFO

Apatacón

+ INFO

Baobab Teatro

+ INFO