Xiomara Fortuna, La Reina de la fusión

Xiomara Fortuna é unha das creadoras musicais máis transcendentais do Caribe e a máis completa e prolífica muller da música dominicana. Con catro décadas de carreira artística levou a súa obra por varios continentes. É pioneira da fusión Afrocaribeña, coñecida no seu país como A raíña da fusión, os seus discos son un documento sonoro dende o afro dominicano á fusión jazz, reggae, pop, rock contemporáneo, latin, merengue e bachata. É recoñecida internacionalmente pola súa facultade de crear e fusionar a música, polo seu facer co folclore e a súa sensibilidade interpretativa. As súas composicións son viaxes nos tempos, cantares da memoria, cantigas de muller, paseos polos ritmos do mundo e poemas da conciencia e a convivencia. A súa voz ten cantado ás loitas do seu país, sendo presenza en distintos palcos en pos da tolerancia, a educación, o medioambiente e a paz. Foi merecedora de recoñecementos e premios ao longo da súa carreira pola UNESCO, “Medalla Gandhi”, a presidencia da República Dominicana e o Ministerio da Muller, “Medalla ao Mérito das Artes” os concellos do Distrito Nacional, Santiago e Montecristi, onde foi declarada Filla Meritoria, Premio Casandra pola Asociación de Cronistas de Arte de RD, entre outros. Esta cantautora, autora de letras e música, é única, xenio e traxectoria que gravou o seu primeiro disco fai 34 anos e que na actualidade conta con dez gravacións de produción independente. Actualmente vive no seu país República Dominicana e combina a creación musical có activismo cultural, medioambiental e de xénero. É unha artista sen hora, un clásico e unha novidade constante, que se erixe como a máxima representante da música alternativa e unha das mulleres esenciais da música popular dominicana.