¡Qué buen día!

Martina chega alegre e divertida, cargada coa súa cadeira e a súa neveira de cámping. Saúda aquí e alá, pregunta pola familia de este e daquela, recoñécenos a ti e a min. É normal, vimos todos os días ao mesmo sitio e xa hai confianza. É un bo día e ímolo a pasar ben. Da súa neveira irán saíndo obxectos imposibles, xogos que compartir, anécdotas, historias... O público, agora parte desta “comunidade do pic-nic”, tamén terá que participar neses xogos, crear obxectos coa súa imaxinación e improvisar con Martina. Mentres, Martina irá transmitindo a súa mensaxe máis vital. Cando nos deamos conta xa teremos "botado a tarde" xuntos e será hora de volver a casa. Pero seguro que volveremos cun sorriso na cara.