TEATRO EN GALIZA

Sen lugar a dúbidas o teatro galego é un dos piares da nosa cooperativa. 

Contamos con reputadísimas compañías de teatro, circo, maxia e narración oral que percorren o país e o mundo espallando o seu saber facer. 

En Culturactiva apaixónanos o teatro, por iso pasamos o día vendéndoo, contratándoo, gozando del e ata creándoo e producíndoo, xa que dende un tempo atrás creamos unha produtora propia.Levamos máis de 20 anos esforzándonos por recoller toda esa riqueza de formatos que atopamos no país, ofrecendo propostas para todas as idades e con temáticas variadas. 

Así, artistas de renome como Luis Iglesia, Marcos Orsi, Fina Calleja, Isabel Risco ou Sergio Pazos teñen en Culturactiva a súa casa. Unha casa que comparten tamén con profesionais internacionais como Leo Bassi, Pepe Viyuela, Yllana, Cía Vaya ou Circo no Ato . 

Bota un ollo ao noso catálogo ou ás nosas redes sociais e descubre os espectáculos que temos tanto para persoas adultas como para o público máis novo.