Formulario de busca

NOVAS

Festigual, o festival de todas

Xa son sete anos facendo cidade na Coruña. Sete anos rompendo coas trabas que se atopan moitas persoas á hora de crear e consumir cultura. O Festigual - Festival das Artes Inclusivas da Fundación Emalcsa desenvolto polo Concello da Coruña - nace e perdura cun fin: xerar espazos de convivencia e transformación ao redor das artes. 

A programación, pensada para facilitar o acceso á cultura a calquera persoa independentemente das súas capacidades, espállase ao longo de varias semanas complementando a axenda cultural da cidade con propostas para todas. A través de distintas disciplinas artísticas, non só pretende concienciar sobre a urxencia de facilitar espazos nos que todo o mundo poida acceder ás artes, senón tamén da necesidade de crear dende as marxes para que o público xeral poida ampliar olladas. 

"Estamos orgullosas da cidade da Coruña porque é diversa e, por iso, a nosa programación tamén o ten que ser". O Festigual consolídase nesta sétima edición como un punto de encontro para reivindicar, dende Coruña para o mundo, un pensamento colectivo no que non deixemos a ninguén atrás. 

Festigual trata de escapar dos circuitos normativos da cultura, moitas veces capacitistas, para construír un festival que poña no centro a accesibilidade e o goce de toda a poboación. Un proxecto colaborativo que é posible grazas ás usuarias das entidades sociais que traballan durante todo o ano para que esto se faga realidade. 

O Festigual avanza cada ano e, con el, tamén o fan as súas propostas e eixos temáticos. 

As artes, por definición, son inclusivas. Pero tamén son transformadoras. O teatro e o mundo escénico, por exemplo, ergúense como un vehículo para a concienciación social, axitando emocións e chamando á reflexión colectiva sobre a nosa realidade. 

En toda a programación do festival reivindícase que as persoas con diversidade funcional sexan creadoras de cultura. Esta realidade está en moitas ocasión invisibilizada. O feito de que estean en escena manifesta a necesidade de visibilizar estas realidades. 

Ademais, nesta edición do Festigual poñemos o foco noutras formas de exclusión tamén moi presentes no noso día a día, en todos os ámbitos e en todas as franxas de idade. 

Achegámonos ao público xuvenil para falar de dúas realidades presentes, visibles ou non, no seu día a día. A peza teatral Soños mergúllanos na vida dos mozos e mozas que medran en vivendas tuteladas: as súas vivenzas, inquedanzas, prexuizos e experiencias non contadas. O tema do acoso escolar tamén estará presente a través de Dumbo, un espectáculo musicalizado recomendado pola Rede Española de Teatros para poñer sobre as táboas este tipo de situacións que asolagan os nosos centros.

PRÓXIMAS ACTUACIÓNS

Via Morta

Pontevedra

03-12-2023

16:00


Sue Moreno

Lourenzá

03-12-2023

17:30


Vero Rilo

Baiona

03-12-2023

18:00


Via Morta

Teo

04-12-2023

11:15


Artefeito

Arteixo

04-12-2023

12:00


Via Morta

Ordes

05-12-2023

12:30


Rudi Dudi

Melide

10-12-2023

Horario pendente de confirmación




MÁIS NOVAS EN CULTURACTIVA.ORG