Da unión de dúas compañías con máis de 15 anos de traxectoria, a galega Assircópatas e a vasca Zirko Txosco, nace a Compañía Muu coa intención de descubrir novas linguaxes circenses levando o teatro ás rúas sen perder a súa esencia. 

No ano 2019 crean o seu primeiro espectáculo, Crunch!, co que xiran por casi toda Galicia, Bilbo, Barakaldo, Madrid, Úbeda ou Xirivella, entre outros moitos lugares. No ano 2024, e despois dun ano de creación, presentan o seu novo espectáculo Crunch2!