O Mago Teto inicia a nova xira do seu espectáculo O Camiño do Afiador, promovida por Turismo de Galicia

Un espectáculo que mestura maxia, tradición e memoria popular, inspirado no antigo oficio dos afiadores, e que vai percorrer parte da provincia de Ourense.

O Mago Teto, un dos ilusionistas máis experimentados e recoñecidos de Galicia, inicia este mes de novembro unha nova xira do seu espectáculo O Camiño do Afiador, unha proposta que mestura maxia, tradición e memoria popular. A iniciativa conta coa promoción de Turismo de Galicia, da Xunta de Galicia, e percorrerá diversas localidades ourensás ao longo do mes.

O Camiño do Afiador xira arredor dunha auténtica roda de afiar dos anos trinta, herdada polo propio Mago Teto dos seus antepasados. Inspirado no antigo oficio dos afiadores, o espectáculo revive historias e lendas doutros tempos a través do ilusionismo e o humor.

Datas da xira:

•    7 de novembro - Carballeda de Valdeorras (CEIP Tomás Terrón Mendalla)
•    9 de novembro - Vilariño de Conso (Praza da Vila)
•    14 de novembro – Ribadavia (Auditorio Casa da Cultura)
•    15 de novembro - A Pobra de Trives (Auditorio Julio Vázquez)
•    16 de novembro - Vilamarín (Auditorio Municipal)
•    21 de novembro - Pereiro de Aguiar (Auditorio Municipal)
•    22 de novembro - Monterrei (Casa da Cultura de Albarellos)
•    23 de novembro - A Rúa de Valdeorras (Centro Cultural Avenida)
•    28 de novembro - Bande (Salón de Actos)