Joan Garriga é unha figura fundamental do pop catalán e español das últimas décadas. Fundador de Dusminguet e La Troba Kung-Fú, é creador da rumbia, unha fusión explosiva entre rumba catalá e cumbia latina que marcou unha época. En solitario, consolidou o seu estilo con El ball i el plany (2020) e, máis recentemente, co EP Et cantaré el rock & roll és mort perquè marxen lluny (2024), o seu último lanzamento e a confirmación do son propio da súa banda, El Mariatxi galàctic.

Acompañado por Marià Roch (baixo), Madjid Fahem (guitarra, anteriormente xunto a Manu Chao) e “Rambo” Batista (batería), Garriga mantén viva a tradición festiva que o marcou desde a infancia, cando as orquestras de baile enchían as rúas de Cataluña. Ao longo da súa traxectoria, combinou a composición, a disciplina musical e a reivindicación da rumba catalá como lingua propia e popular.

Tras revolucionar a escena co mestizaxe de Dusminguet e redefinir a rumba con La Troba Kung-Fú, Garriga continúa explorando novas vías creativas, colaborando con artistas de distintas xeracións e asinando bandas sonoras para o teatro. O seu territorio natural segue sendo o directo, onde a súa música viaxa como a súa rumbia transatlántica entre tradición e mestizaxe.