Pan con chocolate en xira conmemorando a Mª Victoria Moreno

A nova montaxe de Culturactiva SCG de cara ao Día das Letras Galegas comeza a súa xira. A actriz Saleta Fernández convértese en Eva, rapaza protagonista desta historia de alta carga social, na que se fala da amizade verdadeira por encima de todas as dificultades. Polo medio outras tres marabillosas aventuras máis xurdidas do maxín de Mª Victoria Moreno, catro contos que, escritos para rapaces e rapazas, acaban sendo historias para todos os públicos, xa que amosan as cousas tal e como son, sen filtros, a través da mirada sincera dunha nena.

Dirixido por Fran Rei, Pan con Chocolate é un espectáculo de narración oral, sinxelo e directo, que pretende ser un ameno achegamento á vida e obra de María Victoria Moreno.

* 5 Maio_17:30_ A Estrada (feira do libro)

* 13 Maio_18:00_Cariño (Auditorio)

* 14 Maio_11:00_Porto do Son (Casa da cultura)

* 14 Maio_18:00_Oroso (Centro cultural)

* 15 Maio_ 10:00_Sarria (Casa da cultura)

* 15 Maio_11:30_Sarria (Casa da cultura)

* 16 Maio_10:30_Val do Dubra (Auditorio)

* 16 Maio_18:00_Dodro (Casa da cultura)

* 17 Maio_12:00_Tui

* 17 Maio_tarde_Fisterra

* 19 Maio_19:00_Laxe (Salón de actos)

* 20 Maio_17:00_Baños de Molgas

* 24 Maio_mañá_Pobra do Caramiñal