Formulario de busca

NOVAS

Conexión Pingüin está de xira!

Os nosos dous intrépidos montañeiros de "Conexión Pingüin" teñen un fin de ano moi atarefado. O seu camiño á Antártida terá unhas cantas paradas en territorio galego para deixarnos desfrutar do seu espectáculo.

Conexión Pingüin é unha produción teatral de Culturactiva Producións, con texto de José Prieto, que sobe ao escenario a dous rostros ben coñecidos, os de Luís Iglesia e Marcos Orsi. Ambos percorrerán os escenarios galegos presentándonos esta reflexión en clave cómica, a dous tempos e dúas voces, sobre a incomunicación na era da comunicación.

ANOTA AS DATAS! 

  • 29 de outubro en Ribeira
  • 30 de outubro en Ordes
  • 04 de novembro en Pontevedra
  • 07 de novembro en A Pobra do Caramiñal
  • 12 de novembro en A Laracha
  • 27 de novembro en Burela
  • 10 de decembro en A Coruña
  • 11 de decembro en Zas
  • 18 de decembro en Val do Dubra

A trama desta montaxe ten dous planos aparentemente distantes na época, na latitude e no contexto, mais conectados pola liña condutora deste divertido texto. Por un lado, os nosos dous protagonistas trasladarán ao público ao ano 1923, cando tivo lugar unha famosa expedición con rumbo ao polo sur magnético. Dous intrépidos montañeiros, con falta de sentido común e exceso de ego, terán que loitar contra as inclemencias polares, a falta de escoita, o despiste mortal e as súas propias barbas, que non paran de medrar. E por outro lado, unha conferencia formal que, case un século despois, rememora e actualiza aquela fazaña antártica. 

Podes descubrir máis sobre este espectáculo visitando o seu apartado na nosa web.

PRÓXIMAS ACTUACIÓNS

Tres Pesos na Estrada

A Estrada

27-05-2022

Horario pendente de confirmación


Superheroe en Padrón

Padrón

27-05-2022

20:00


Margarida Mariño en Pontevedra

Pontevedra

27-05-2022

20:00


Os Monifates en Muras

Murás

28-05-2022

Horario pendente de confirmación


Isla Letriska en Barreiros

Barreiros

28-05-2022

18:00


La Quinkillada no Ouren Sound Fest

Ourense

28-05-2022

18:15


Bravas en Caldas de Reis

Caldas de Reis

29-05-2022

19:00




MÁIS NOVAS EN CULTURACTIVA.ORG