Formulario de busca

NOVAS

Volve o Festaclown Vilagarcía!

Na pasada edición enfrontámonos ao reto máis difícil dos noso 20 anos de experiencia: facer un festival cun protocolo covid para que o circo non parase e demostrar que a cultura é segura. Conseguimos sacar adiante con éxito unha edición que foi moi emocionante para nós e para o público, e este ano non vai ser menos. Un ano máis, volven as risas a Vilagarcía!

“Tras máis dun ano marcado pola covid, que volvan o clown, o circo e a cultura é agora máis necesario que nunca. Non sabemos se a risa é a mellor medicina, pero sen dúbida demostrou ser imprescindible para resistir”, afirma Nacho Fungueiriño, coordinador do Festaclown.

As protagonistas do FESTACLOWN 2021 serán as mellores compañías galegas: Pedras de Cartón, Circo Chosco, Dani García, A Vela Circo, Sue Moreno, Assircópatas… Sen esquecernos de grandes nomes a nivel estatal e internacional como Bergamotto Clown, Mayte Guevara, Rudi Dudi ou Eddy Eighty.

Unha vez máis, o FESTACLOWN caracterizarase polo seu compromiso social, con actividades como o CheckPoint Clown de Pallasos en Rebeldía ou os espectáculos de narración oral pola igualdade e a diversidade, a cargo de Larraitz Urruzola e Xarope Tulú. Retomamos ademais o Certame Festaclown, onde será o público de todas as idades quen escolla o seu espectáculo favorito.

Para ir quecendo motores o día 12 celebraremos os 20 anos de clown de Fran Rei e Pedro Brandariz cunha escolma dos seus mellores momentos cómicos, o día 13 o 40 aniversario de Clámide co seu particular Enfermo Imaxinario e o día 16 ambientaremos as rúas con Troula e Somdolilá.

Toda a información en www.festaclown.gal

PRÓXIMAS ACTUACIÓNS

Bravas na Sala Ártika de Pontevedra

Pontevedra
22-10-2021
Horario pendente de confirmación

Senda sobre ruedas en Ourense

Ourense
22-10-2021
21:00

Quixote en Oroso

Oroso
23-10-2021
Horario pendente de confirmación

Mago Teto en Verín

Verín
24-10-2021
Horario pendente de confirmación

Cantares de Cego en Carballo

Carballo
24-10-2021
12:00

Lavandeiras en Pontevedra

Pontevedra
24-10-2021
19:00

Guadi Galego en Santiago de Compostela (Gala aRi[t]mar)

Santiago de Compostela
27-10-2021
20:30



MÁIS NOVAS EN CULTURACTIVA.ORG