Formulario de busca

NOVAS

Mercedes Peón actuará o 23 de abril en Compostela co seu espectáculo Osmose

O vindeiro sábado, 23 de abril, Mercedes Peón chega ao Auditorio de Galicia co seu espectáculo Osmose, unha performance audiovisual e musical na que se acompaña das artistas Peque Varela e Laura Iturralde.

A osmose é un fenómeno físico polo que unha materia medra ou muda de densidade ao pasar a través dunha membrana. Facendo metáfora, a artista constrúe un relato crítico sobre os efectos do capitalismo nas nosas vidas.

A peza está participada e atravesada pola obra Nación, de Margarita Ledo, e as protagonistas son as traballadoras das fábricas de Pontesa e das conserveiras galegas. O público asistirá a unha intervención lumínica en directo que permitirá ás artistas improvisar, emocionar e crear unha dramaturxia sonoro-visual conmovedora.

As entradas xa están dispoñibles na web www.compostelacultura.gal

Mercedes Peón

Mercedes Peón é unha artista multidisciplinar, compositora e investigadora. A súa primeira formación musical vén do percorrido polas aldeas durante vintecinco anos, recibindo e formando parte da transmisión colectiva da memoria oral e corporal. Ao longo da súa traxectoria publica cinco discos cos que participa en máis de catrocentos festivais ao redor do mundo, tres BSO para cine e cinco espazos sonoros para pezas escénicas de danza. Realiza diferentes traballos compositivos, sonoros e musicais no ámbito da danza en proxectos como O Quiosco dás almas perdidas do Centro Coreográfico Galego ou Mercedes mais eu con Janet Novás e no cinema coas BSO da documental Liste, pronunciado Lister, a curtametraxe Cienfuegos 1913 e a película Nación de Margarita Ledo.

PRÓXIMAS ACTUACIÓNS

Tres Pesos na Estrada

A Estrada

27-05-2022

Horario pendente de confirmación


Superheroe en Padrón

Padrón

27-05-2022

20:00


Margarida Mariño en Pontevedra

Pontevedra

27-05-2022

20:00


Os Monifates en Muras

Murás

28-05-2022

Horario pendente de confirmación


Isla Letriska en Barreiros

Barreiros

28-05-2022

18:00


La Quinkillada no Ouren Sound Fest

Ourense

28-05-2022

18:15


Bravas en Caldas de Reis

Caldas de Reis

29-05-2022

19:00




MÁIS NOVAS EN CULTURACTIVA.ORG