Xa é posible ver o espectáculo Saaabor! en agalega.gal

Xa está disponible en agalega.gal o espectáculo Saaabor! de Culturactiva Producións.

Saaabor! é un dos oito espectáculos escollidos pola Televisión de Galicia para Fila 1, Butaca G, que achega propostas teatrais de compañías galegas, adaptadas á linguaxe televisiva. Gravado no Auditorio do Grove, con público en directo, o espectáculo xa está dispoñible na plataforma dixital agalega.gal para que calquera persoa poida desfrutala desde casa.

Saaabor! é un espectáculo teatral cómico, producido por Culturactiva, interpretado por Félix Rodríguez e Fran Rei, e dirixido por Avelino González. Nel, dous chefs preparan un menú gorentoso cheo de música, maxia, humor, ritmo e participación do público, sempre co mundo da gastronomía de fondo.

Froito do éxito de Saaabor!, Culturactiva estreou neste ano 2024 o espectáculo Máis saaabor!, con máis música, máis ritmo, máis risas e, sobre todo, máis pratos sorprendentes e divertidos.