Artista autodidacta, malabarista e equilibrista dende 1999. Fundador xunto ao seu irmán da compañía “The Jazzgling Brothers” en 2003 e membro da compañía “Trapecircus” en 2017. Dende 2019 ten o seu propio proxecto artístico en solitario, “Henriko”, con varios espectáculos en activo, todos eles deseñados para rúa e público familiar, e sempre co humor como pilar fundamental, encarnando personaxes cómicos e sarcásticos pero á vez respetuosos co público e mail@s voluntari@s. Henriko é un veterano malabarista con alto nivel en equilibrismo, creador de situacións ridículas e tenras que fan que o público lle garde cariño e desfrute sempre dos seus trucos.

A finais do verán de 2020 tivo a sorte de poder adestrarse na vella e abandonada carpa de Bemposta (A Cidade d@s muchach@s), que gardou certa actividade durante a pandemia. Alí tivo o seu primeiro contacto co funambulismo, disciplina na que está máis centrado na actualidade. No seu último espectáculo, “Circo Cambuche”, percorre o arame a 4 metros de altura sobre o seu monociclo.