A Ramboia é unha compañía creada no 2019 por Anxo García, Fran Lareu e María Peinado. Ideada co fin de crear un espazo propio desde o que indagar na relación do teatro coas distintas artes, así como explorar a súa interesección na multiplicidade do teatro de obxectos, desde un prisma contemporáneo.

No 2019 estrean o seu primeiro espectáculo, despois de gañar o I Certame Manuel María de Proxectos Teatrais, e acadan unha boa posición de visibilidade no panorama teatral, así como dous premios María Casares 2020 a Mellor Dirección e Mellor Adaptación para María Peinado. 

Un Tal Romeo é o seu segundo espectáculo teatral.