Checkpoint clown

Pallasos en Rebeldía presenta Check Point Clown, un espectáculo multidisciplinar que combina clown, maxia e circo con solidaridade e compromiso. Unha produción que reflexa á perfección o traballo que, no campo da cooperación internacional a través das artes, desenvolve esta entidade por todo o mundo dende fai máis de quince anos. Un CHECK POINT instálase na túa cidade, nunha das súas prazas, no teatro, no colexio, en calquera das súas rúas. Pero toda a utopía do circo e a forza da liberdade do clown consiguen, de maneira máxica, tumbar o muro, desalambrar o valo e desfacer as fronteiras que nos separan. Check Point Clown é circo en rebeldía para un mundo máis fermoso, máis alegre e xusto, construido dende a fraternidade dos pobos e as súas xentes. Risa e espectáculo, humor e maxia, circo e compromiso, armas de diversión masiva para espertar conciencias a través do arte. Derribar fronteiras, as físicas e as mentais, e construir camiños que conecten corazóns coa poesía rebelde de dous pallasos e unha trapecista.