Play Time

Un espectáculo que nos convida a unha viaxe polo mundo da paternidade e, máis en xeral, pola predisposición a coidar dos demais.

Así como Gepetto de súpeto descobre ser pai grazas á súa marioneta, Bergamotto contaranos as vivencias cotidiás co seu pequeno osiño de peluche, con quen vivirá miles de aventuras. Unha historia que nos deixará descobrir a intimidade da familia Bergamotto, onde cada día sempre hai boas excusas para celebrar a vida.

Unha obra minimalista, caracterizada por momentos tenros e ás veces absurdos que intenta, usando a linguaxe non verbal, crear breves momentos de poesía escénica.