Galifunk Brass
Galifunk xorde como unha aposta de músicos, todos eles profesionais que teñen en común gusto pola música actual, así como da música disco, dos 70’s, funky… Buscando sempre ser orixinais e inspirándose nas brass band americanas, crean un repertorio amplo e variado, con arranxos propios e innovadores.
Tendo soamente catro anos de historia, teñen participado en moi diversos eventos como son as festas patronais do concello de Sanxenxo, Barro ou Cuntis, as festas da Peregrina 2017, en Pontevedra, as festas da Dorna en Ribeira ou a feira "Corazón da Artesanía" organizada pola Fundación Centro Galego da Artesanía e do Deseño, en Agolada.
Tamén participan en festivais importantes da xeografía galega como o "Rockin Vila" ou o "Revenidas", así como o evento "Castelo conta" en Culleredo. Con gran acollida por parte do público asistente, destacando a súa frescura e calidade musical.
Máis artistas do catálogo
Culturactiva S. Coop. Galega traballa desde o 2001 na xestión cultural, o teatro, a música e a dinamización social, desde o ámbito creativo e formativo, para achegar solucións reais ás necesidades das entidades e institucións galegas e estatais. Máis info
