Trécola Producións levan máis de 20 anos vivindo no mundo das marionetas e son a segunda xeración dunha compañía creada no ano 1981 co obxectivo de dignificar e dar protagonismo ás marionetas como ferramenta artística no teatro.

A súa proposta escénica está baseada en anos de experimentación no manexo e construcción de diferentes tipos de títeres, sempre ideando a mellor opción segundo as necesidades do personaxe ou escena. Nos seus espectáculos, Trécola fomenta dende o divertimento valores coma a igualdade, o respecto e o apoio mútuo, ademais dunha educación emocional positiva e de respeto pola natureza.