O Rexurdimento do Divino Sainete

Baseada en 'O Divino Sainete' de Curros Enríquez, e tamén na vida do escritor, esta sátira sitúa ao poeta e á xoglaresa LaGriot'te nunha viaxe en tren rumbo a Jacobusland. Cada un dos vagóns do tren presenta cada un dos pecados capitais encarnados en persoas e situacións da vida de Curros Enríquez.

Un espectáculo visual, como os que caracterizan á compañía LaGriot’te, no que se traslada o universo creado por Curros para falar de intolerancia,  extremismo, censura e autocensura, o sensacionalismo á hora de abordar certos temas delicados, as guerras incivís que nos rodean, o exceso da avaricia na toma de decisións que se amosa na corrupción, moral ou económica... e todo a través da ironía, a sátira e o humor.