Origen

Érase unha vez un ser que emerxeu ao instante mesmo do Big Bang, O seu nome é Orixe.
Desde entón, foi testemuña da gran aventura da existencia: a creación do universo, o nacemento das galaxias, do Sol, a Lúa e a Terra. Observou como a vida xurdiu nos océanos, como os seres acuáticos conquistaron a terra firme e como os maxestosos dinosauros dominaron o planeta antes de desaparecer. Viu nacer aos primeiros mamíferos e, co paso das eras, a evolución do ser humano desde os seus devanceiros máis primitivos ata o Homo sapiens. Foi testemuña do espertar da conciencia, dos mitos, as relixións e a procura de sentido.

Presenciou o auxe das civilizacións, a beleza da arte e a arquitectura desde as pedras sacras ata as grandes catedrais e as vangardas modernas. E tamén contemplou as sombras: as guerras, a destrución e o desequilibrio dun mundo que, na era dixital, busca atoparse de novo coa súa esencia.

ORIXE é unha viaxe visual e sonora a través do tempo —unha metáfora da nosa evolución como especie e como conciencia— que nos convida a reconectar coa harmonía do planeta e do universo que nos viu nacer.