Soños de area

Só coas mans e a area sobre un cristal, o ilustrador Borja Ytuquepintas, con proxeccións nunha gran pantalla, crea historias que enchen de emocións o público. Este artista crea diferentes atmosferas só co movemento dos seus dedos. Cada xiro provoca un ambiente diferente que nos envolve e, con todas esas sensacións diferentes, seguimos o fascinante proceso creativo de cada debuxo, que transporta o público a lugares descoñecidos do mundo e a contornas poéticas da natureza. E todo con música interpretada polo teclista Roc Sala Coll. Soños de area é un espectáculo cheo de tenrura no que o artista, coas mans e a area, vai despregando poesía.