The Best of Leo Bassi

Nova obra na que Leo Bassi repasa o mellor da súa carreira, nun espectáculo de aproximadamente unha hora e media de duración no que poderemos gozar con este herdeiro dunha estirpe de pallasos, que fixo da risa un arma pacífica para o cambio social e político. The Best of Leo Bassi reúne os seus mellores números dos últimos anos, verdadeiros clásicos nos que vemos ao Bassi mais divertido e mordaz, e ao que máis xoga e se relaciona co público, parte principal do seu espectáculo. As relixións, a banca, a dereita, o capitalismo... Nada escapa á crítica do pallaso italiano, máximo representante dunha arte que, libre de convencións, ofrece á audiencia unha experiencia apaixonante, sensacional, onde a provocación é unha linguaxe e non un propósito.